Error. Page cannot be displayed. Please contact your service provider for more details. (13)

Home / Uncategorized / القاعدہ سربراہ کا نیا پیغام جاری ،اتحاد کا مسئلہ زندگی کا مسئلہ ہے یا پھر موت ہے : ایمن الزواہری
القاعدہ  سربراہ  کا نیا  پیغام جاری ،اتحاد کا مسئلہ زندگی کا مسئلہ ہے یا پھر موت ہے : ایمن الزواہری

القاعدہ سربراہ کا نیا پیغام جاری ،اتحاد کا مسئلہ زندگی کا مسئلہ ہے یا پھر موت ہے : ایمن الزواہری

13181192_1691448564443173_1169968041_n

دمشق(مانیٹرنگ ڈیسک) القاعدہ کے سینئر رہنماءایمن الزواہری نے شام میں حریف عسکریت پسند گروہ داعش کو خبردار کیا ہے کہ اتحاد قائم کریں یا پھر مرنے کا خطرہ مول لیں لیکن آن لائن جاری کیے گئے آڈیوبیان میں ایک مرتبہ پھر داعش کو ’انتہاءپسند‘ قراردیدیا۔
نیوزویب سائٹ ’اے بی این اے 24‘ کے مطابق اسامہ بن لادن کے جانشین الزواہری نے اپنے بیان میں کہاکہ ’شام میں مجاہدین میں اتحاد چاہتے ہیں تاکہ روس اور دیگر مغربی ممالک سے آزادی حاصل کرسکیں ، میرے بھائیو۔ ۔ ۔ اتحاد کا مسئلہ زندگی کا مسئلہ ہے یا پھر آپ کیلئے موت ہے ‘۔
اس بیان میں ایمن الزواہری نے شام کے مسئلے کا سیاسی حل ڈھونڈنے کیلئے ہونیوالی کاوشوں پر شدید تنقید کی جبکہ صوبہ ادلب کے زیادہ ترحصہ کا کنٹرول حاصل کرنے پر نصرہ فرنٹ کی کاوشوں کو سراہا۔الزواہری نے ایک مرتبہ پھر القاعدہ اور داعش کے نظریاتی اختلافات پر بھی روشنی ڈالی ۔
رائٹرز کے حوالے سے ویب سائٹ نے لکھاکہ جنوری کے بعد پہلی مرتبہ سامنے آنیوالے آڈیوبیان کی ابتدائی طورپر تصدیق نہیں ہوسکی ۔جنوری میں سامنے آنیوالے پیغام میں درجنوں جنگجوﺅں کی سزائے موت پر عمل درآمد ہونے پر سعودی عرب سے بدلہ لینے کا اعلان کیاتھا۔
الزواہری کی قیادت میں القاعدہ کو داعش کی صورت میں اہم چیلنج کا سامنا ہے جس نے شام اور عراق میں اپنی حکمرانی قائم کرلی ہے جبکہ لیبیااور یمن میں حکمرانی کیلئے کوشاں ہے ، شام میں القاعدہ کا ذیلی گروپ نصرہ فرنٹ اور داعش دونوں ہی حکومتی افواج کیخلاف لڑنے والے دوطاقتور گروپ ہیں ۔

Comments are closed.

Scroll To Top