Home / Uncategorized / ’ایران نے یہ ایک کام کیا تو ہم ایٹمی ہتھیار حاصل کر لیں گے ‘ سعودی عرب نے خطرناک اعلان کر دیا
’ایران نے یہ ایک کام کیا تو ہم ایٹمی ہتھیار حاصل کر لیں گے ‘ سعودی عرب نے خطرناک اعلان کر دیا

’ایران نے یہ ایک کام کیا تو ہم ایٹمی ہتھیار حاصل کر لیں گے ‘ سعودی عرب نے خطرناک اعلان کر دیا

13162168_1691130001141696_441205027_n

واشنگٹن(مانیٹرنگ ڈیسک)امریکہ و دیگر عالمی طاقتوں نے ایران کے ساتھ ایک معاہدے کے بعد عالمی اقتصادی پابندیاں اٹھا لی ہیں۔ اس معاہدے میں ایران نے تسلیم کیا ہے کہ وہ ایٹم بم نہیں بنائے گا۔ سعودی عرب اور اسرائیل نے عالمی طاقتوں کے ایران کے ساتھ اس معاہدے کی شدید مخالفت کی تھی۔ اب سعودی عرب کی طرف سے ایک سنگین دھمکی دے دی گئی ہے۔ سعودی عرب کے سابق انٹیلی جنس چیف شہزادہ ترکی الفیصل نے واشنگٹن میں ایک کانفرنس سے خطاب کرتے ہوئے کہا ہے کہ ”اگر ایران نے دنیا کے ساتھ کیا گیا معاہدہ توڑا اور ایٹم بم بنانے کی کوشش کی تو ہم بھی ایٹمی ہتھیار حاصل کرلیں گے۔“ یہاں یہ امر قابل ذکر ہے کہ سعودی عرب ایٹمی ہتھیاروں کے عدم پھیلاﺅ کے عالمی معاہدے پر دستخط کر چکا ہے جس کے بعد وہ ایٹم بم بنانے کا مجاز نہیں۔
سی این این کی رپورٹ کے مطابق شہزادہ ترکی الفیصل کے ہمراہ اس کانفرنس سے اسرائیلی وزیراعظم کے سابق مشیریعقوب امیڈرور(Yaakov Amidror) نے بھی خطاب کیا۔ شہزادہ ترکی الفیصل کا کہنا تھا کہ ”اگر ایران معاہدے کی پاسداری نہیں کرتا تو سعودی عرب کے لیے بھی تمام آپشن کھل جائیں گے۔ اگر ایران ایٹمی طاقت حاصل کرنے کی کوشش کرتا ہے تو ہم اس بات کی پرواہ نہیں کریں گے کہ ہمارے ایٹم بم حاصل کرنے پر ایران کی طرف سے کیا ردعمل سامنے آتا ہے۔ یعقوب امیڈرورنے بھی کانفرنس میں شہزادہ ترکی الفیصل کے موقف کی تائید کرتے ہوئے کہا کہ ”اگر ایران معاہدہ کی خلاف ورزی کرتا ہے تو ہم بھی اس کے خلاف سخت اقدامات اٹھائیں گے۔“

Comments are closed.

Scroll To Top