Home / Uncategorized / پی ٹی آئی کے ناراض گروپ کی صوبائی حکومت کو 5 دن کی ڈیڈ لائن، اراکین قومی و صوبائی اسمبلی کا مشترکہ جدوجہد کا اعلان
پی ٹی آئی کے ناراض گروپ کی صوبائی حکومت کو 5 دن کی ڈیڈ لائن، اراکین قومی و صوبائی اسمبلی کا مشترکہ جدوجہد کا اعلان

پی ٹی آئی کے ناراض گروپ کی صوبائی حکومت کو 5 دن کی ڈیڈ لائن، اراکین قومی و صوبائی اسمبلی کا مشترکہ جدوجہد کا اعلان

پشاور (ویب ڈیسک) پاکستان تحریک انصاف کے ناراض گروپ نے صوبائی حکومت اور وزیراعلیٰ پرویز خٹک کیخلاف چارج شیٹ جاری کرتے ہوئے 5 دن کی ڈیڈ لائن دے دی ہے اور اراکین قومی و صوبائی اسمبلی نے مشترکہ جدوجہد کا اعلان کرتے ہوئے الزام عائد کیا ہے کہ تحریک انصاف کی صوبائی حکومت کی ترجیحات پارٹی منشور سے متصادم ہیں، صوبے میں احتساب کا خواب پورا نہیں ہوا، تمام وسائل چند مخصوص حلقوں میں خرچ ہورہے ہیں، اپنے ممبران کو نظر انداز کرکے ذاتی مفادات کیلئے اپوزیشن کو نوازا جارہا ہے، صوبائی حکومت کی کارکردگی کے باعث پارٹی کا گراف گررہا ہے اور کارکنوں میں مایوسی پھیل رہی ہے اس لئے پارٹی قیادت پانچ دنوں میں وزیراعلیٰ سمیت ناقص کارکردگی کے حامل صوبائی وزراءکیخلاف تادیبی کارروائی کرے، بصورت دیگر ڈیڈ لائن کے بعد نظریاتی گروپ کا اجلاس طلب کیا جائے گا جس میں احتجاجی تحریک کے لائحہ عمل کا اعلان کیا جائے گا۔

اس سلسلے میں پاکستان تحریک انصاف کے ناراض گروپ کا اجلاس پشاور میں پارٹی کے رکن خیبرپختونخوا اسمبلی یاسین خان خلیل کی رہائش گاہ پر منعقد ہوا جس میں اراکین قومی اسمبلی جنید اکبر خان، ساجد نواز خان، کرنل ریٹائرڈ امیر اللہ مروت، انجینئر داورکنڈی اور خیال زمان اورکزئی، وزیراعلیٰ کے مشیر برائے سماجی بہبود شکیل خان، سابق مشیر امجد خان آفریدی، رکن صوبائی اسمبلی یاسین خان خلیل، قربان علی خان، پارٹی کے حمایت یافتہ آزاد اراکین سلیم بابر، جمشید مہمند اور پارٹی کی 2خواتین اراکین خیبرپختونخوا اسمبلی کے نمائندوں کے علاوہ پشاور، چارسدہ، مردان، سوات، کرک اور بنوں سمیت مختلف اضلاع سے پارٹی کے رہنماﺅں نے شرکت کی جبکہ میڈیا کو بتایا گیا کہ آئندہ اجلاس میں مزید تین ایم این ایز اور 7 ایم پی ایز بھی شرکت کریں گے۔

Comments are closed.

Scroll To Top