Home / Uncategorized / جعلی اکاؤنٹس سے اربوں روپے کس کس کو منتقل ہوئے؟
جعلی اکاؤنٹس سے اربوں روپے کس کس کو منتقل ہوئے؟

جعلی اکاؤنٹس سے اربوں روپے کس کس کو منتقل ہوئے؟

پاکستان کے وفاقی تحقیقاتی ادارے ایف آئی اے نے حسین لوائی اور ان کے ساتھی طلحہ رضا کا گیارہ جولائی تک کا جسمانی ریمانڈ حاصل کرلیا ہے، ان پر 29 جعلی بینک اکاؤنٹس کھولنے میں معاونت کرنے کا الزام ہے، جن کے ذریعے پاکستان پیپلز پارٹی کے چیئرمین آصف علی زرداری سمیت 13 کمپنیوں کو اربوں روپوں کی مشکوک منتقلی کی گئی ہے۔

وفاقی تحقیقاتی ادارے نے سمٹ بینک کے سابق چیئرمین حسین لوائی اور طلحہ رضا کو سنیچر کو کراچی جنوبی کے جوڈیشل مجسٹریٹ کی عدالت میں پیش کیا اور منی لانڈرنگ کے الزام میں دونوں کے جسمانی ریمانڈ کی درخواست کی جس کو عدالت نے قبول کرلیا ہے اور دونوں کو ایف آئی اے کی تحویل میں دے دیا۔

Comments are closed.

Scroll To Top