Error. Page cannot be displayed. Please contact your service provider for more details. (9)

Home / Uncategorized / خادم رضوی کی گرفتاری: پولیس نے جگہ جگہ اشتہار لگا دیے
خادم رضوی کی گرفتاری: پولیس نے جگہ جگہ اشتہار لگا دیے

خادم رضوی کی گرفتاری: پولیس نے جگہ جگہ اشتہار لگا دیے

اسلام آباد میں انسداد دہشتگردی کی عدالت نے انتہائی دائیں بازو کی مذہبی جماعت تحریک لبیک پاکستان اور تحریک لبیک یا رسول اللہ کے نام سے معروف جماعت کے مرکزی رہنماؤں خادم حسین رضوی اور پیر افضل قادری سمیت دیگر کو عدالت میں عدم حاضری پر اشتہاری قرار دے دیا ہے۔

یاد رہے کہ مارچ کی شروع میں عدالت نے اپنے حکم میں کہا تھا کہ خادم حسین رضوی ایک ماہ کے اندر عدالت میں پیش ہوں ورنہ انھیں اشتہاری قرار دینے کی کارروائی شروع کر دی جائے گی۔

گذشتہ سال نومبر میں فیض آباد پر تین ہفتے تک جاری رہنے والے دھرنے اور اس کے بعد قانون نافذ کرنے والے اداروں کے ساتھ ہونے والی جھڑپ کے نتیجے میں املاک کے نقصان پر خادم حسین رضوی اور ان کے ساتھیوں کی گرفتاری کے لیے اس سال عدالت کی جانب سے 19 مارچ اور پھر 24 مارچ کو وارنٹ جاری کیے گئے تھے۔

نامہ نگار عابد حسین کے مطابق اسلام آباد پولیس کی جانب سے عدالت میں رپورٹ جمع کرائی گئی جس میں بتایا گیا کہ خادم حسین رضوی کی طلبی کے اشتہار تھانہ نواں کوٹ، ان کے آبائی چوک اور مجاز عدالت کے باہر چسپاں کر دیے گئے ہیں۔

Comments are closed.

Scroll To Top