Home / Uncategorized / سوشل میڈیا پر پی ٹی ایم کے جذبے’ٹھنڈے‘ پڑ رہے ہیں؟
سوشل میڈیا پر پی ٹی ایم کے جذبے’ٹھنڈے‘ پڑ رہے ہیں؟

سوشل میڈیا پر پی ٹی ایم کے جذبے’ٹھنڈے‘ پڑ رہے ہیں؟

پشتون تحفظ موومنٹ (پی ٹی ایم) نے حکومتی تعاون سے قائم کیے گئے جرگے سے اتوار کی نشست کے بعد مذاکرات ختم کرنے کا اعلان کیا لیکن ملکی میڈیا کے بیشتر اداروں میں یہ خبر سامنے نہیں آئی۔

دوسری جانب پی ٹی ایم پر نظر رکھنے والے مبصرین کا خیال ہے کہ تنظیم کی اب سوشل میڈیا پر بھی موجودگی کم ہوتی نظر آرہی ہے۔

بی بی سی سے بات کرتے ہوئے تنظیم کے رہنما منظور پشتین نے مذاکرات کے ختم ہونے کے فیصلے کی تصدیق کی ہے۔

انھوں نے بتایا کہ کہ چونکہ جرگے کے ساتھ تنظیم کے مختلف نشستوں میں ان کو یہ بتایا گیا کہ وہ وفاقی حکومت سے ایک نوٹفیکیشن جاری کروائیں جس میں جرگے کو فیصلہ کرنے کا اختیار دیا جائے لیکن ایسا نہ ہو سکا۔

’مختلف نشستوں میں ہم یہی کہہ رہے تھے کہ جرگے کو فیصلہ کرنے کا اختیار اگر نہیں ہے تو پھر ان کے ساتھ بیٹھنے کا کوئی فائدہ ہی نہیں اس لیے پی ٹی ایم نے مذاکرات ختم کرنے کا فیصلہ کیا ہے۔ جرگے کا ایک اصول ہوتا ہے جس میں جرگے کو فریقین کی طرف سے مکمل اختیار دیا جاتا ہے۔‘

Comments are closed.

Scroll To Top