This domain has recently been listed in the marketplace. Please click here to inquire.

spamcheckr.com

Home / Uncategorized / میئر لندن کیلئے پولنگ مکمل ، پاکستانی نژاد صادق خان کی کامیابی کے امکانات روشن
میئر لندن کیلئے پولنگ مکمل ، پاکستانی نژاد صادق خان کی کامیابی کے امکانات روشن

میئر لندن کیلئے پولنگ مکمل ، پاکستانی نژاد صادق خان کی کامیابی کے امکانات روشن

13153461_1690329817888381_775439570_n

لندن(مانیٹرنگ ڈیسک) ایگزٹ پول سروے کے مطابق برطانیہ میں ہونے والے کونسلز کے انتخابات میں پاکستانی نژاد صادق خان کے لندن کے پہلے مسلمان میئر بننے کے امکانات روشن ہیں اوراب تک کے نتائج کے مطابق لندن کے چودہ میں سے دس حلقوں میں صادق خان کو جبکہ چار حلقوں میں زیک گولڈ سمتھ کو برتری حاصل ہے ، یوں تاریخ میں پہلی مرتبہ لندن کی حکمرانی کا تاج کسی پاکستانی خاندان کے سرسجنے جارہاہے ۔ 

برطانوی میڈیا کے مطابق لندن سمیت برطانیہ بھر میں 124 کونسلز کی 2743 سیٹوں کے لئے پولنگ ہوئی جس میں لیبر پارٹی، کنزرویٹو پارٹی، پی سی، ایل ڈی اور یو کیپ نے حصہ لیا۔ ایگزٹ پول سروے کے مطابق برطانیہ کی بیشتر کونسلز میں لیبر پارٹی کی پوزیشن مضبوط نہیں لیکن  میئر لندن کا تاج  پاکستانی نژاد برطانوی صادق خان کے سر سج سکتا ہے، صادق خان کو زیک گولڈ سمتھ کے مقابلے میں57 فیصد  ووٹ ملنے کا امکان ہے۔

واضح رہے کہ لندن کے میئر کے انتخابات کا باقاعدہ اعلان آج کیا جائے گا جس میں کامیاب ہونے والا امیدوار بورس جانسن کی جگہ میئر کی نشست پر بیٹھے گا۔ انتخابات میں کامیابی کے بعد میئر شہر میں ہاؤسنگ، پولیس، ماحول، ثقافت اور معاشی ترقی جیسے شعبہ جات کا ذمے دار ہوگا۔ صادق خان کی جیت کی صورت میں یہ ایک تاریخی موقع ہوگا جب کسی اور ملک میں پیدا ہونے والا کوئی برطانوی شہری دنیا کے اہم ترین شہر کا میئر منتخب ہوگا۔

Comments are closed.

Scroll To Top