Home / Uncategorized / پرویز مشرف نہ گھبرائیں، حکومت سیکیورٹی فراہم کرے گی: احسن اقبال
پرویز مشرف نہ گھبرائیں، حکومت سیکیورٹی فراہم کرے گی: احسن اقبال

پرویز مشرف نہ گھبرائیں، حکومت سیکیورٹی فراہم کرے گی: احسن اقبال

لاہور: وفاقی وزیرِ داخلہ اور پاکستان مسلم لیگ (ن) کے رہنما احسن اقبال کا کہنا ہے کہ سابق صدر جنرل (ر) پرویز مشرف سیکیورٹی خدشات سے نہ گھبرائیں حکومت انہیں سیکیورٹی فراہم کرے گی، وہ عدالت میں پیش ہوں جس میں ان کی عزت ہے۔

لاہور میں میڈیا نمائندوں سے بات چیت کرتے ہوئے وفاقی وزیر داخلہ کا کہنا تھا کہ جس طرح ملک کے ایک سابق وزیراعظم جن کی اہلیہ کینسر کے مرض میں مبتلا ہیں، عدالت کے سامنے پیش ہورہے ہیں بالکل اسی طرح سابق صدر پرویز مشرف کو بھی عدالت میں پیش ہونا چاہیے، جبکہ وہ صحت مند اور تندرست بھی ہیں۔

احسن اقبال نے کہا کہ انہوں نے عدالتی احکامات پر عمل کرتے ہوئے تمام متعلقہ اداروں کو مطلع کیا کہ اگر 16 مارچ تک سابق صدر کی عدالت میں پیشی کے بارے میں یقین دہانی سامنے نہیں آتی تو ان کے شناختی کارڈ منسوخ کردے اور پاسپورٹ آفس ان کا پاسپورٹ ضبط کردے اور ایف آئی اے ان کے خلاف انٹرپول کی مدد سے ریڈ وارنٹ جاری کردے۔

Comments are closed.

Scroll To Top