Home / Uncategorized / ’چیف جسٹس یقینی بنائیں کہ تمام جماعتوں کو انتخابات میں یکساں مواقع فراہم کیے جائیں‘
’چیف جسٹس یقینی بنائیں کہ تمام جماعتوں کو انتخابات میں یکساں مواقع فراہم کیے جائیں‘

’چیف جسٹس یقینی بنائیں کہ تمام جماعتوں کو انتخابات میں یکساں مواقع فراہم کیے جائیں‘

سابق وزیر اعظم اور حکمراں جماعت مسلم لیگ نون کے قائد میاں نواز شریف نے سپریم کورٹ کے چیف جسٹس میاں ثاقب نثار کی طرف سے ملک میں ہونے والے عام انتخابات بروقت کروانے کے بیان کا خیر مقدم کرتے ہوئے کہا ہے کہ چیف جسٹس اس بات کو بھی یقینی بنائیں کہ تمام سیاسی جماعتوں کو عام انتخابات میں یکساں مواقع فراہم کیے جائیں۔

میاں نواز شریف نے کہا کہ عام انتخابات کو التوا میں ڈالنے کی اجازت نہ تو وہ اور نہ ہی ملک کا کوئی بھی طبقہ دے سکتا ہے جبکہ ملکی آئین میں بھی اس انتخابات کو التوا میں ڈالنے کی کوئی گنجائش موجود ہے۔

واضح رہے کہ پاکستان کے چیف جسٹس میاں ثاقب نثار نے دو ٹوک الفاظ میں کہا ہے کہ نہ تو انتخا بات کو التوا میں ڈالا جائے گا اور نہ ہی کسی ماروائے آئین اقدام کی توسیق کی جائے گا۔

جمعے کو احتساب عدالت کے باہر میڈیا کے نمائندوں سے بات کرتے ہوئے اُنھوں نے کہا کہ اگر کسی سیاسی جماعت کو نشانہ بنانے کی کوشش کی گئی تو اس کا سخت ردعمل بھی سامنے آسکتا ہے۔

نواز شریف نے کہا کہ چیف جسٹس کو سینیٹ کے انتخابات میں ہونے والی مبینہ دھاندلی کا بھی نوٹس لینا چاہیے تھے لیکن ایسا نہیں کیا گیا۔

Comments are closed.

Scroll To Top